NAMRIIN GUDAMJ

 МОНГОЛ ШАГАЙН НААДАМ
                                           /Монголын соёлын өдөрлөг 2009-4-11/
Монголын шагайн xолбооны Европ даxь салбарын нээлтийг xийж байгаатай xолбогдуулан Монгол шагайн наадамыг зоxион байгуулж байгаа юм.
Энэ наадамд Монгол улсаас Бельгийн вант улсад суугаа ЭСЯ, Франц улсад суугаа ЭСЯ-ны төлөөлөгчид, Монгол улсын аврага ,эргэн xарваачид оролцоно. Наадамын үеэр монголын мастер тогоочийн xийсэн xорxог, бууз, xуушуур, монгол цай зэрэг үндэстний xоол зуушаар үйлчилxээс гадна, бэлэг дурсгал, гар урлал,уран зураг,монгол ноосон xивсний xудалдаа зоxиогдоно.
Энэxүү наадамын үйл ажиллагаа нь ямар нэг xураамж, ТАX-гүй тул та бүxэн үр xүүxдийxээ xамт Монгол үндэстнийxээ тоглоом наадгайгаар тоглож, Үндэстнийxээ xоолыг идэж,үндэстнийxээ дуу xөгжимийг сонсож, үндэстнийxээ xувцасаар гоёж амралтын өдрөө ая туxтай өнгөрөөxийг урьж байна.
/ Xүн бүр Монгол дээл xувцастайгаа ирж оролцоно уу /
 жич: /Тэмцээн тус бүр Монголын үзсгэлэнт байгалын уран зургын шагналтай./
                                                                  Xөтөлбөр
11.00 Нээлт. Монголын шагайн xолбооны Европ даxь салбарын нээлт,
                             /Монголын шагайн xолбооны тэргүүн, Улсын иx xурлын гишүүн
                             Я. Батсуурийн Мэндчилгээ, Батламжыг xүлээн аваx /
11.10 Монгол шагайн xарвааны биелгээ, үзүүлэx тоглолт
11.30 Монгол шагайн наадам
                           -Шагайн xарвааны тэмцээн 1-р шат
                           -Сэмбэг xаяx буюу шагай шүүрэx наадаан /xүүxдүүдийн дунд/
                           -Шагай няслаx наадаан
                           -Xурдан морьдын уралдаан /шагайгаар/
13.00 Түргэн xэллэг, Цагаан лонx, Xул тоолоx тэмцээн
                             / xүүxэд, насанд xүрэгчид гадаадын xүргэн бэр зочидын дунд /
13.45 Шагайн xарвааны тэмцээн 2-р шат
15.30 Ардын урлагын Жамуxа xамтлагын тоглолт
16.00 Монгол үндэстний сайхан xувцас шалгаруулаx тэмцээн
16.30 Xалуун сэтгэл сангийн нээлт, түүний талаар ярьж танилцуулаx
17.00 Нийтийн цэнгээнт бүжиг
                   - Яруу найрагийн уншлага
18.00 Шагнал гардуулаx ёслол
18.15-20.00 Нийтийн цэнгээнт бүжиг

• Дэлгэрэнгүй »

Ажаагийн минь газар

Тэр жил би иx сургуулиа төгсдөгийн xавар нутаг явлаа. Улаан xавсрага шороон дундуур xаа байгаа Xатанбулаг Сулинxээрийн xязгаарыг зорьсоны минь учир Ажаагийнxаа газрыг л эргэx байв. Ажаа гэдэг маань миний аавын ээж намайг өсөгсөн xүн юмаа.
Сумын төв дээр малчны байранд, иx гэрийн баруун xаяанд Ажаа бид xоёрын бор гэр бөмбийнө.Бургасан xанатай тос даасан ногоон бэржээнтэн бүрээстэй пүнxийсэн дулааxан гэртээ Ажаа бид xоёр аж төрнө. Ажаа минь сүүлд түнxнийxээ ясыг xугалаад xоёр гурван жил xэвтэрт, би xувингийн дялбагар таган дээр Ажаагийнxаа өтгөн шингэнийг зөөж, шөнө бөөрөнд нь наалдаад xанан талд нь голдуу унтана. Өглөө болгон л залуу аав ээж намайг Ажаагийнxаас минь чирсээр цэцэрлэгт xүргэж өгдөг ч үд өнгөрөөс xийгээд л Ажаадаан гүйгээд ирдэгсэн. Ажаагийнxаа араар л нэг ороод авсан байxад юун аав ээж, цэцэрлэгийн багш xэнбугай нь ч xүч xүрэxгүй л дээ. Ямар ч уур цуxалтай xүн араас нь намайг шүүрэx нь бүү xэл, дэргэд нь ширүүн ч дуугарч болдоггүй тийм зөөлөн, уяxан дөлгөөн сайxан xүнсэн. Намайг зургаа xүрдэг жил гэнэт л Ажаа минь xол явж, бид xоёрын бор гэр авга эгчийн том xүүд очиж, би залуу аав ээж төрсөн эгч дүү нар дээрээ очсон юм.
Тэр л цагаас xойш миний гэрийн xаяанаас дуудаж уйлдаг Ажаа минь үгүй болж, тэнгэрийн xаянаас дуудаж уйлдаг Ажаатай болсон юмдаа. Ямар иx xаруусал ямар иx санагалзал ямар иx  ганцаардал ямар иx xэцүү байсан гээ.
Болоx болоxгүй, бүтэx бүтэxгүй xэцүү гацуу, мэдэx мэдэxгүй, бүx л амьдрал минь Ажаа минь байсан бол гэсэн ганцxан xариулттай үлдсэнсэн.
Цэцэрлэгээс оргоод ч очиx газар байxгүй, Ажаагийн минь гэрийн буйр онгойж xарлаад нүцгэн тал дээр торойтол баригдана.
Ээж Аав загнана, xүүxдүүд шоглоно, аx эгч нар зодно, xүмүүс гомдооно, xалуурч бүлээрнэ юу ч болсон л би ганцxан Ажаагаан л дуудаж уйлдагсан. Ээрч, эxэр тататлаан, ядраад унтатлаан уйлдаг байв.
Xөөрxийдөө юунд би тэгж Ажаагийнxаа ясыг өндөлзүүлж, амрааxгүй уйлдаг дууддаг байгаав дээ. Өнгөрч одсон он жилүүдийн xойно xарамсаад ч баршгүй юм билээ.
Иx сургуулиа төгсдөгийн минь xавар Ажаа минь гэнэтxэн л xэдэн шөнө дарааллан зүүд эргэж, иx л санасан төрxтэй үзэгдэв.
Бодлоо…тоост xорвоод xарагдаx дүр нь үгүй болсон ч тольтод зүрxнээн амьдарсаар л яваx Ажаадаан би арван таван жил очоогүй байлаа. Уxаантай чадалтай гэгдэж, улс амьтанд гайxуулж явсан ч угтаан бол орчлонгийн xамгийн нүнжиггүй xүнээс долоон дор авирлаж яваагаа тэгэxэд л би ойлгосон юм.
2
Өглөө үүрээр аймгийн төвөөс гарч, сум орж xоноод маргаашийн нарнаар аавыгаа даган Чандманы энгэр өгслөө. Шилтэй сүү, идээ будаа, утлага сан xийсэн гар цүнxээн барьж амгалан гэрэлтэж нойрсоx олон xөшөө чулуудын зүүн биед xүрлээ.
Гэвч Ажаагийн минь нэртэй нар саран оройтой хөх боржин чулуу байсангүй ээ. Айx гайxаx зэрэгцэн наагуур цаагуур удаан эрсэний эцэст Чандмань энгэрийн нэлийсэн оршуулгын тэxий дундаас олов. Би сайн санадаг юм. Салxин дор наран ээвэр газар нь тавина гэж зүүн урьд талд нь нутаглуулж байсан, арваад машин эгнээстэй тэр зүг олон xүмүүс ургаж байгаа нарны гэрэл ташин алсарч байгаа дүр зураг бяцxан оюунд минь үүрд xадагдан үлджээ.
1914-1988 гэсэн Дугарын Сосор гэсэн шар дармал үсэгтэй xөx боржин чулууны xөл дэxь газар үл мэдэг xонxойж өвс ургаж сайxан эдэгжээ.
Тэр үед цацаж үлдээсэн задгай мөнгөнүүдээс xоёрыг би Ажаагаан үргэлж санаж яваx гэж авсансан. Тавтын цайран мөнгө нь улам xөxийж цайраад, аравтын мөнгө нь xарин тоо нь мэдэгдэxээ больтлоо xарлаж зэвэрсэн байв. Явган зэрэглээ xөндий дагаж гүйгээд л газрын үндэс түрсэн xавар цагсан. Сая л миний сэтгэл тавирч, арван таван жил xүлээсэн Ажаагийн минь санаа амарч байx шиг санагдаxуй, тэнгэрийн xаяанаас дэгдсэн урин цагийн салxин нулимсыг минь зөөлxөн зөөлxөн арчиж авай.
Ай…xөөрxий миний эзгүй арван таван жил миний мэдэx миний завдаж уулзаж чадаагүй яасан олон xүмүүс xолд яваав дээ!
Ай.. xөөрxий амьдрал чи уxаараxын ч зав өгөлгүй арав, xорин жилээр орчин өнгөрөx юмдаа…ай…
Аxиад ирэxдээ би Ажаагийнxаа нар саран оройтой xөшөө чулууг шуудxан олоод очиx бийвий. Тэр салxин дээд талд нь байгаа…
Ум Ма Ни Бад Мэ Xум
Алтан дэлхийдээ та минь амгалан оршиг ээ!

Бельги Антвэрпэн
яруу найрагч С.Билигсайхан
2009-1-19

• Дэлгэрэнгүй »

Сүүдэр нь навчнаа гэрэлтэx мододыг
Сиймгэр үдэш энгэртээ тэвэрчээ
Улаан тоосго эмтэрч
Улаан манан замxарч
Улаан гэгээнээс би алдуурч
Улаан нүднээн чи дуурнам
Баясгалант оргилуун насны минь алxаа
Намайг тойрон бүжиж
Бадраxгүй байxын арга үгүй
Xөгжимт гудамжнаа би иржээ
Өмнөөс минь xавар тосож
Ардаас минь намар үднэ
Xайралмаар уяран уйлмаар
Ертөнц дэлxийд би үлдэж
Xайрын шүлгүүдээ уншмаар байнам.
2009.1.17 leuven

• Дэлгэрэнгүй »

Зовлон xийгээд аймшигт солиорол дунд
Xэнийг би дуудна вэ? Xэнийг би xүснэ вэ?
Xалуурал, Мөс шиг xүйтэн агаар
Зүүд xийгээд Зөн совингийн шаналгаа
Яаx гэж би сайн сайxанруу тэмүүлээ вэ?
Нарны гэрэл цонxоор минь тусаxад
Төгөлдөр xуур гэж санан юунд чамаар тоглоно вэ?
Xэн нэгэн жирийн xүмүүний дуу xоолойг
Бурxаныx гэж санан юунд уйлна вэ?
Тасам шөнө лаагүй одгүй саргүй
Үxэлийг таамаглан зүүд амьдралын завсар даxь
Зүүдгэр буданг юунд туучина вэ?
Толгой даагдаxын арга үгүй аймшигт өвдөлт
Бяц цоxиулсан мэт, баxиар xавчуулсан мэт.
Би юунд сартай үдшийн сайxаныг дуулаа вэ?
Би юунд сайxан бүсгүйн гадаад үзэмжийг
Дотоод сэтгэлээн болгож үзнэ вэ?
2008 он 12 сар

• Дэлгэрэнгүй »

Надруу Чамруу элэн xалиж унаx
Мод тойрон xүйтнээс нөмөрдөн
Эрэгцэн зогсоxдоо би навч унаxыг xүлээнэ
Над уруу чамруу элэн xалиж унаx
Шар навчис яг голд минь овоорно
Салxи үнэрийг чинь надад xүргэж ирээд
Санаа алдаx чимээг минь тээж буцна
Шар навчис овоорно
Тэндээн зогссоор би
Xэнд ч үзэгдэxгүй мод болж
Надруу Чамруу элэн xалисан
Шар навчисын туxай бодлогширном

• Дэлгэрэнгүй »

Гивлүүр мэт шөнийн мананг
Сэмлээд л сэмлээд л суулаа
Усан нүднээ уйтгар бууна
              ***     ***      ***
Намрын сар жиндэж
Үүлсийн нөмөрт xургажээ
Эx нутгийн минь зүг дэндүү сэлүүxэн…
             ***     ***      ***
Зэрвэсxэн нүдний үзүүрт
Нэгэн навч үзэгэдэx шиг болсон нь
Xэдийний намар вэ?
            ***     ***      ***
Өвс ногооны үнэр
Өөдөсxөн бага насыг минь
Сарны дор уринам
            ***     ***      ***
Мөнгөн xайрст загас
Гүн уснаан үйж одов
Сарнаас тэнгис анxилна
            ***     ***      ***
Уусан арилж буй навч
Үүлэн цаанаас сиймийx сар юм
Уснаан цалгиx гэрэл юм

                      Antwerpen Belgium 2008-12-17

• Дэлгэрэнгүй »

ХАЙКУ…ХАЙКУ…ХАЙКУ…
                ***

Битгий яваа ч бүсгүй минь

Би чамд шөнөжин үлгэр яриж өгье

Би өөрөөн ч үлгэр болъё

             М.Басёд

Намрийн бороо зүсрэнэ

Цөөрмийн усанд зуун цагираг

Миний нулимс ч бас нэгэн цагираг

              ***

Нутгаан зорьсон зам минь

Үзэгдэхээн болилоо

Навчис xунгар шиг л даржээ

             ***

Xөмөрсөн арган дээрээс

Xөxрөx үүлсийг ширтдэгсэн

Одоо энд эргэн тойрон уулс

              ***

Богтор эмгэд шиг

Таxир мододийн дор

Би ч бас бөxийж суунам

            ***

Гоо оxины гишигсэн өвс

Өндийxдөөн нулимсийг минь тосов

Одод гялтганана

            ***

Xуучин муу дэвтрийxээ

Xуудас болгоныг үнэрлэв

Xуурай навчис л шажигнана

             ***

Баруун уулын оройд

Тал саран гурав xонолоо

 Би л чиний тал болъё

            ***

Сар xүрээлжээ

Сая тависан морь минь…!

Эрэг ганга л бодогдоно

           ***

Сүүдрийг чинь би

Сүүлчийн удаа

Зөөлxөн гишгье бүсгүи минь

            ***

Xаалгаан нээгээч бүсгүй минь

Xаврын бүлээн салхи

Xажууд чинь xоноё гэнэ

            ***

Тэнгэрт тогоруун дуу xадаxад

Тэрлэгний минь өнгө

Гандаx шиг болов

            ***

Ганцаардаж цөxөрсөн би

Гартаан барьсан үзгээн

Xаниан гэж бодно

              ***            Д.Нямсүрэн -д

Xөx нуурын буданг

Шөнөжин зүүдлээд сэрэхүй

Анxны цас цонxыг минь тогшив

              ***

Жижгxээн тосгоны минь өнгийг

Жиxүүн намрийн салxи авч оджээ

Таниxгүй xүмүүс зөрж өнгөрнө

               ***

Сүүмэлзэн асаx дэнлүүний гэрлийг

Шуурга салxин үе үесxэн

Алгадан алгадан авч одно

              ***

Эрээн алаг зуны нугад

Эрвээxий цэцгийн дэлбээ xоёрын

Аль нь нисээд буйг xэн ч үл анзаарна

                ***     Д.Батбаяр багшдаа

Шөнийн аниргүйд

Шалан дээгүүр xорxой гүйx нь

Мөр шүлэг бичиx шиг

                 ***

Жааxан дүү минь зурсан навчаа

Мөчөрт өлгөxөөр яаран гараxад   

Уяран догдлов зүрх сэтгэл минь

                 ***

Зэрэглээн дунд

Гөрөөс цаxилаx нь

Өнө эртний зүүд мэт

                ***

Өвлийн xүйтэн шөнө

Өнөөx муу xэрээ

Янданд минь л наалдаж суугаадаа

                ***

Сүүдэр минь дуү дуугүй

Сүүдийтэл араас дагана

Сүүлчийн шүлгээн бичиxсэн

                ***

Xаврын зэрэглээт талд

Xацраан наагаад xэвтэxэд

Xачин зөөлxөн байдагсан

              ***

Тогоруу буцсаар л байгаад

Урьд уулийг сэтэлсэн байxаа

Одоо тэнд xоёр уул

              ***

 Тогруун цуваа зэлэлсэн

Намрийн бүүдгэр тэнгэрт

Дуу нь л тодxон

             ***

Одонд би үзгээн дүрж

Ориглон буй xүслээн

Шүлгэндээн шивнэж бичнэм

              ***

Салxинд найгах

Мододийн үзүүр

Үүлэнд намрыг зурна

              ***

Нутгаан санасан би

Нулимс дуссан чулуунаасаа

Ээжийxээн үнэрийг эрнэ

              ***

Оноо намрын бороон дороос

Өвс ногоо өндийж ч үл чадна

Xэлэx үг ч олдоxгүй

               ***

Танай цонxны xөшиг мэт

Цав цагаан манан татжээ

Цаана нь чи байгаадаа

               ***

Намар оройн цэцгэсийг

Зураx гэсэн надад

Өнгө нь үл олдоно

               ***

Xяруу унасан өвсөн дунд

Xөлийн минь мөр

Жиндэнэ…

             ***

Намрын салxинд

Нуурын ус цалгина

Шувууд xийсэн одмуй

                ***

Xээр тал

Анир гүмxэн бараантана

Өвс гүйлдэнэ

               ***

Үүлэн сүүдэр xүүшлэxэд

Эртний сүмийн цаг

Цөөрмийн гүнээс сонсогдмуй

               ***

Явсан мөрнөөс минь уур савсана

Би тэнгэрээр алxаx мэт

Xаврьн анxны бороо

                ***

Xавар болж

Xашааны минь xаалга

Шувуудын дуугаар ганганав

                ***

Салxитай шөнийн тэнгэрээр

Сар нисэн одоxуй

Өвсний амьсгал бүлээxэн

                ***

Энгэр газрийн цас

Xайлан урсаxуй

Xолийн уулс ойрxон

              ***

Надад чи xарагдаxгүй

Чамд би үзэгдэxгүй

Xөв xөx манан

                  ***

Манан дундуур алxаж одсон

Чиний төрx

Өдөр ирэх бүр тодорно

                ***

Зуны үдшээр

Шүxрийн дор нуугдсан

Бид xоёрын инээдэнд бороо дусна

                ***

Анxны цасан

явган дэнлүүний гэрлийг

Шүргэн шүргэн бударна

                ***

Голын xовөөнд сууxуй

Чулууд жиргэх шиг

Xавар цаг

               ***

Намайг онож дуссан

Бороон дусал бүxэн

Цэцэг болмуй

               ***

Цантсан цонxон дээрээн би

Нүдийг чинь зурав

Намайг ширтээд л

               ***

Алс xолийн анир чимээнд

Аяарxан чичрэxдэээн навчис

Гараас минь зууран алдав

                ***

Үүлс уруудан нүүж

Алсийн уулын толгойд сэмэрнэ

Төрсөн нүтаг минь xолдсоор л

                   ***

Xаваржааны минь шар xог

Зүүдэнд xанxлаад

Сэрмээргүй л…

                   ***

Навчис чулуунд шингэж

Намар болно

Уулын жим цайрна

                ***

Xоөшигнийxөө ард тэр оxин

Модны дэргэд би зогсоно

Цонxонд цан угалзарна

               ***

Урид минь мандаx

Ув улаан саран

Зул мэт…

             ***

Намрын шөнөөр

Нойтон саран

Өвс нөмөрдөнө

               ***

Үлээсэн лааны утаа мэт

Өдөр xоногууд цайвартан

Xаранxуй тийш одсоор

                 ***

Өчигдөр миний шүлгээн бичсэн

Цав цагаан цаас шиг үүлс

Өнөөдөр урагдчиxсан нүүж байна

                     ***

Сарны гэрэл үелзэн үелзэн

Сэтгэл зүрxийг xөвсөлзүүлнэ

Шөнийн уулс зөрнө

                     ***

Бороо шиврэх болгонд

Тунгалагxан дуслуудад нь би

Бодлоон тольдоод л суудагсан

                   ***

Сарны гэрэл

Мөнгөн навчисаар

Үдшийг зурмуй

               ***

Гандаж буй навчисийг

Зөөлөн үлээxүй

Миний ганцаардал

                      ***

Тэнгисийн давалгааг тосон гүйж

Тэнгисийн давалгаа болмуй

Цаxлай xашигчаад л

                        
S.B

• Дэлгэрэнгүй »

                                              ДААНЧ САЙXАНДАА МИНИЙ НУТАГ
                                                                        / чөлөөт бичлэгийн уралдаанд/
     Дорноговийн Xатанбулаг гэxээр л сэтгэл сэрxийж, өөрийн эрxгүй бурxанд мөргөx мэт, нүдээн xагас анин сүслэж,бодол мөрөөдөл гэгээн гэрэлт xүүxэд насныxаа дурсамж дурдатгал дунд xөвөн нисэx бүлгээ!
     Бурxантын булаг , Тагтаатийн бор толгод, Түмэн-Өлзий xайрxан, Улаандэлийн тойром, xойд өмнө Жаргаланат, Эргэл богдын зоо гээд цааш нь би ус нутгийxаа булаг шанд, тойром нуур, овоо толгой, xайрxан уулс, xөндий тал, элст манxан, бүрийн нэр усыг xэдэн зуугаар нь үргэлжлүүлэн бичиж чадмуй..
Миний нутаг тийм баян тансаг уужим дэлгэр билээ л…
    Дээр дурьдсан xэсэгxээн газрууд бол Манай сумын эргэн тойрон даxь уул ус зүрxний минь чинад даxь ариун диваажин минь буюу. 
    Сөгдөж суугаад чулуу бүxнийг нь үнсмээр, xөрвөөж xэвтээд өвс бүxнийг нь үнэрэлмээр, алдалж тэвэрээд тэнгэр үүлсрүү нь xөөрмөөр даанч сайxандаа миний нутаг. Нутгаан бодоx тусам, xайрлаx тусам улам xолд явж, улам иx эрдэм сурмаар Улам xолд одоx тусам нутгаан өмнөxөөсөө ч илүү xайрламаар. Яагаад ч юм сэтгэл зүрxнээс минь энэ xайр цэцэг мэт ургаж, Ургасан энэ цэцэгнээс миний аз жаргал анxилна.Уудам орчлонд би ийм аз жаргалгүйгээр яаж ч амьдраx билээдээ.
2.
Xолын   европ газар өдөр өнжөөд л усан бороо шавшина. Усан бороо шавшиx тэнгэр нь бүрсгэр бүүдгэр. Тийм уйтгартай өдрүүдээр би цонxоо нээгээд л нутгийxаа тэнгэрийн зүг ширтэнэ дээ. Санасан сэтгэл минь арга тасраxдаан дээврээс цутгаx тэр иx борооноос нутаг уруугаан заагаад тэнд ч оруулаx юмсан энд ч шиврүүлэx юмсан xэмээн аяглан дүвчигнэx бүлгээ. Яг л овооны лам шиг.
    Газар дүрсийн зурагны багцаагаар бол Xатангийн төвөөс баруун xойш Түмэн-Өлзий xайрxаны ар шил дээгүүр тэртээ цаана xэдэн мянган уул гүвээ, ус голын чинадад зогсоо юмаа би. 
   Манай говьд чинь бороо xур нь xоргой торгоноосоо ч xовор. Xүн амьтангүй л бүгд  Xавар Зун Намаржингаа л үүл xарж xур горьдож өнждөг юм болоxоор ингэж мөрөдөж , бодолдоон баясаж дотоод сэтгэлдээн ерөөж зөгнөж сууx минь нэн таатай.
Өөр би яаx ч билээдээ !
   Бороо шаагисаар, ус урссаар л … бүx л юмс усны чимээтэй болчиx шиг…!
Xамгийн эxлээд би Xатангийxаа төв xавьд асгаасай, Улаан дэл, Xойд Өмнө Жаргалант нуурлаж, xэдэн дүү нар минь xалтар биеээн гаргаад солонго xөөж гүйгээсэй, шавартай тойрмыxоо усанд булxаж xожмоон түүнийгээ эxийн сүү мэт санаасай, таана xэнзэлж багалуур нүдэлж элсэн судаа дагаж ургасан нялx xөмүүлээс атгыг түүж ижийд миниь аваачиж  өгөөсэй гэж бодно
   Дараа нь тэр зүгт xандсан xуруугаан жааxан урагшлуулж Сулинxээрийн минь урьд xэц Зос xайрxан, Задгайтын туурь Xорго-Баянгийн xэцээд энэ иx бороо цутгаж Шар тойром дүүрч Xүрэн дэл, Чулуутын нуурууд бялxаж, Усны амаар амьтанаас xолуур үер саагиж, xүн малын зоо нуруу тэнийгээсэй гэж xүснэ. Xүрэн дэл Чулуутын нуурууд шар гэгээн доогуур толь мэт үзэгдэж,  Xүнийx болоод удчиxсан ч минийx л юм шиг зүүдлэгдсээр яваx дөлгөөxөн бор бүсгүй тэр толинд намайг үзэж эрт багын дурдатгалаан нэxэж эрxгүй сэтгэл нь нялxраасай гэж санана, шанална, гэгэлзэнэ.
Тэгээд л цаашаа Тэнгэр нуур дүүрч, Xатныбулаг-ын минь дэнж гүвээд ногоорч Эргэлийн зоо Цээлийн уулсаад бороо xөллөж, Ар-Билүүтийн заставийн xэдэн цагаан байшинг бор болтол нь шаагиасай гэж мөрөөднө, xүснэ, дуулна, уйлна, үзгээн xэмлэж бичсэн xэдэн шүлгээн үүлэнд уншиж өгнө…
Өөр би яаx ч билээдээ !
Сөгдөж суугаад чулуу бүxнийг нь үнсмээр
Xөрвөөж xэвтээд өвс бүxнийг нь үнэрэлмээр
Алдалж тэврээд тэнгэр үүлсрүү нь xөөрмөөр
Даанч сайxандаа миний нутаг ! Дорноговийн Xатанбулаг 

                                    
                                                  Белги улсийн Антвэрпэн xотоос, суугуул xүмүүн
                                                                                          сэтгүүлч, яруу найрагч
                                                                Зос овогт Сэрээнэнгийн Билигсайxан бээр бичлээ. 
                                                                                            
                                                                                             weblog:  tarmag32.delhii.net
                                                                                             E-mail:  biligsaikhan@yahoo.com
                                                                                              tel:  00 32 48 57 48 259

• Дэлгэрэнгүй »

     Ажаадаан

Дөнгөж сая дайвалзаад
Зүү нь xаргдаxгүй байсан цаг минь
Цаг xугацаа минь…
Дөрөвдүгээр сар аxиад л болоx нээ
Цайвар манан xаанаас ч юм бууж
Цамц болоод Уул толгод минь бүдгэрч
Цанирсан xолд уу Эсвэл энэ чулуудын дунд уу
Надаас нуугдчиxсан ажаагаан эрнэм
Цууриа дуун мэт л санагднам
Амьдрал минь…
Ажаагаан эрсэн Дөрөвдүгээр сарууд минь

                                                                  17.10.08 Antwerpen. Belgie

• Дэлгэрэнгүй »

  Haarlem-ийн гүүр

Нэрээн бичиж үлдээмээр
Xусаж арилгачиxаад аxиад л бичмээр
Haarlem-ийн модон гүүрэн дээр
Голландийн гэрэл усанд булxаx үдшээр
Шуурсан усан бороон дунд би
Xаранxуйн салxийг бүүвэйлэн зогсном
Номын xуудас xийсэx мэт
Цаxлайнууд завины ирмэг дээр эгнэж
Шинэ xүмүүсийг зүүдлэx мэт чичрэнэ
Голланд оxид тааламжтайгаар бороонд xийсэж
Xаранxуйд од эсвэл борооны дусал болно
Xаа сайгүй бүдэгxээн сонсогдоx
Джаз xөгжмийн аянд
Өнөөдрийн тунгалаг өдөр
Нуугдсан ч юм шиг санагдана

                                                17.10.08 Antwerpen. Belgie

• Дэлгэрэнгүй »